İyunun 16-da İstanbulda otellərdən birində nikah mərasimi keçirilən türkiyəli müğənni Əmrah və 4 aylıq hamilə sevgilisi Sibel Kirerin toy şəkilləri yayılıb.
Qadınlar.Biz xəbər verir ki, bir sıra tanınmış simaların iştirak etdiyi toyda 70 nəfər qonaq olub. Nikah mərasimi Əmrahın anası Aytən Ərdoğanın ənənəyə uyğun olaraq, bəylə gəlinə "Qurani-Kərim"i 7 dəfə öpdürməsi ilə başlayıb.
Cütlük ilk rəqslərini Əmrahın "Gəlməyən bahar" filmində səsləndirdiyi "Qasırğa" mahnısının sədaları altında edib. Toyun baş tutduğu məkanın lid ekranlarında isə Əmrahın ən çox bəyəndiyi məşhur "Səlvi boylum, al yazmalım" filmi yayımlanıb.
Əmrahla Sibel pianoşəkilli tortu kəsdikdən sonra qonaqlar gecə yarısına qədər əyləniblər.
Xatırladaq ki, Sibel Kirer toya özünün hazırladığı gəlinliyi geyinib.