"İlk səyahətim Avropaya olub. Budapeştə getmişdim. Burada Budanı çox bəyəndim. Tamamilə fərqli şəhərdir, turistlər üçün nəzərdə tutulub. Atdığın hər addımda gülərüzlə qarşılanırsan. Peşt isə çox kasıb, üfunətli yerdir. Orada çoxlu bomjlar və dilənçilər var. Vyanada da olmuşam, qızlarımla getmişdim. O qədər şoular göstərirlər ki... Bir dəfə əyləncəyə getdik, çıxanda qızlarımdan birini itirdim. Güclə tapdım. Amerikada olmuşam. Xəyalımda hər zaman Hollivudu görmək var idi. Amma məyus oldum. Oranı müqayisədə Sumqayıta oxşadıram. Ulduzlar alleyası adi bir yerdir. Las-Veqasa heyran qaldım. Burada hər yer işıqlıdır. Adamı çox təəccübləndirir, cəlb edir. Ən çox görmək istədiyim ölkələr isə İspaniya və Meksikadır”.