Azərbaycan Ordusu daha bir əsgərini itirib.

APA-nın məlumatına görə, hadisə cəbhə bölgəsində qeydə alınıb. Azərbaycan Ordusunun əsgəri Tərlanlı Sahil Yaşar oğlu aldığı güllə yarasından dünyasını dəyişib. Onun hansı şəraitdə güllə xəsarəti aldığı hələlik məlum deyil.

Müdafiə Nazirliyinin mətbuat xidmətindən APA-ya əsgərin ölüm faktını təsdiqləyiblər.

Faktla bağlı Hərbi Prokurorluq tərəfindən cinayət işi başlanıb, araşdırmalar davam etdirilir.