Model Validə Abbasova sosial şəbəkədə onun ünvanına sərt sözlər yazanlara cavab verib.
Qadınlar.Biz-in məlumatına görə, şəxsi səhifəsində əyləncəli fotolar paylaşmasını, şəhidlərimizin yasını saxlamamasını qınayanlara model etirazını bildirib:
"Təhqirləri, sərt davranışları təkcə düşməndən yox, ən yaxın insanlarımızdan da görəndə təəssüflənirəm. Mən sosial şəbəkələrdə şəhidlərimizlə bağlı yazmış, üzüldüyümü söyləmişdim. Əsgərlərimizə dua etdiyimi və onlarla qürur duyduğumu bildirmişəm. İnsanlar məni qınayırlar. Hamı içindəki dərdi tək çəkməlidir. Burada mən şəxsi həyatımla bağlı şəkillər paylaşıram. Əsas şəkil olaraq qara lentli foto qoymuram. Bu nədir, vətənpərvərlik göstəricisi? Bunu qara lent şəkli ilə ölçürük? Mənim üçün vətənpərvərlik odur ki, bu davanı edənlər öz ərlərini, qardaşlarını cəbhəyə göndərsinlər”.
V.Abbasova şəhidlərin ailələrinə başsağlığı da verib:
"Vətənimdə baş verən hadisələrdən xəbərim var. Əminəm ki, prezidentimiz əlindən gələni edəcək. O düşmənə lazımi cavabı sözdə yox, əməldə verəcək. Qorxu kəlməsini dilinizə gətirməyin. Mən qələbəyə inanıram. Şəhidlərimizin isə ruhu şad olsun, Allah rəhmət eləsin!”.
Qeyd edək ki, "Miss millenium” gözəli hazırda İsveçrədə istirahətdədir.