Bütün dünyada skleroza (ALS) diqqət çəkmək və bu xəstəlikdən əziyyət çəkənlərə maddi yardım etmək məqsədi ilə geniş kampaniya başladılıb.

Qadınlar.Biz xəbər verir ki, dünya ulduzlarının dəstək verdiyi kampaniyaya azərbaycanlı məşhurlar da qoşulub. Belə ki, şpaqat açaraq populyarlıq qazanan müğənni Könül Şıxəliyeva da başına buzlu su töküb, amma vedrə ilə deyil, ləyənlə…

"Hamı bunu edir. Düşündüm ki, niyə də bizdə olmasın”-deyən müğənninin bu aksiya ilə bağlı nə dərəcədə məlumatlı olması bəlli deyil. Görünür, o, "qonşudan qalma geri” prinsipi ilə hərəkət edərək, hamamda başına buzlu su töküb…

Qeyd edək ki, ALS - Amyotrofik lateral skleroz xəstəliyidir. Sinir sistemi xəstəliyi ALS-nin ən əsas özəlliyi, əzələlərin zəifləyərək əriməsi və xəstənin ən sonda qüvvətdən düşməsi və yatağa bağlanması ilə nəticələnir. Bu xəstəlik bir müddətdən sonra danışma və udqunma problemi yaradır. Xəstəliyin sürətlənən vaxtlarında içərisində hava çatışmazlığı və ağciyər infeksiyası ölümə səbəb ola bilir. Xəstəliyə hər 100 min nəfərdən birində  rast gəlinir.