Hazırda Hindistanın məşhur  "İndias Best Cine Star Ki Khoj” yarışmasında iştirak edən rəqqasə Oksana Rəsulova finala keçib.

Qadınlar.Biz-in məlumatına görə, bu haqda sosial şəbəkədə yazan sənətçi hər kəsdən səs istəyib:

"Bu həftə toxunulmaz olmasam da, qızlar arasında ən çox səsi mən topladım. Finalda məni qalib etmək üçün səs göndərin. Sizə öncədən təşəkkür edirəm . Bu həftənin şənbə günü müsabiqənin qalibi seçiləcək. Qalib səs vermə nəticəsində məlum olacaq. Bütün var gücümüzlə şənbə və bazar günü fəal olaq. Allahın köməkliyi ilə bu şouda birinci olub Azərbaycana qalib kimi qayıdım. Söz verirəm bu dəstəyi heç vaxt unutmaram. Vətənə qayıdan kimi izləyicilərimlə görüş keçirəcəm. Sonuncu dəfə mənə dəstək olun”.

Qeyd edək ki, şou Hindistanın ən məşhur kanalı olan "ZEE TV”də hər həftənin şənbə və bazar günləri yayımlanır.