Ülviyyə Mahmudovanın rəhbəri olduğu Nargis Nəşriyyat evinin və "Nargis” jurnalının direktoru, aktrisa Könül Nağıyeva rol aldığı, Türkiyə istehsalı olan "Tərk edilmiş” filmindən danışıb.

Açıqlamasında aktrisa artıq film çəkilişlərinin bitdiyini bildirib:

"Filmdə aktyor Kamran Ağabalayevlə birlikdə rol aldıq. Çəkilişlər İzmirdə bir ay müddətində baş tutdu. Hər şey yüksək səviyyədə keçdi. Çox şadam ki, Türkiyənin tanınmış aktyorları ilə bir filmdə rol aldıq. Filmin mövzusu indi çox aktual olan Suriya konflikti, orqan mafiyası, insan alveridir. Dərin mənalı ekran işidir, çox açıqlama vermək istəmirəm, tamaşaçılar kinoteatrlarda izləyərlər.

Türkiyədən bir neçə film təklifi də almışam. Məni ifa etdiyim rol, ssenari, filmin bütün nüansları maraqlandırır. Baxımlı, tamaşaçıların marağına səbəb olacaq filmlərdə rol almaq istəyirəm. Təkliflər haqqında düşünürəm. Seriala da məmnuniyyətlə çəkilərəm. Azərbaycanda 3 serialda çəkilmişəm, Türkiyədən də maraqlı təklif olsa, qəbul edərəm”.