"Müğənni gərək danışığına, geyiminə fikir versin”.
Bunu gənc müğənni Sevda Yəhyayeva deyib. O, bəzi müğənnilərin geyimi və efirdəki qalmaqallı çıxışları ilə bağlı fikir bildirib: "Müğənnilik elə bir sənətdir ki, burada sevilmək, sevdirmək olduqca çətindir. Səni dinləyənləri, sevənləri və onların zövqünə uyğun olan mahnıları səsləndirmək vacibdir. Sənətçi ancaq bununla kifayətlənməməlidir. Müğənni gərək danışığına, geyiminə fikir versin”.
Sevda arıqlamağı ilə bağlı da danışıb: "Eşidirəm deyirlər, Sevda arıqlayıb. Düzdür, amma az miqdarda arıqlamışam. Əlbəttə, geyimdən də çox şey asılıdır. Elə geyimlər var ki, insanı kök, elələri də var ki, arıq göstərir”.