Türkiyənin məşhur "O səs Türkiyə”  müsabiqəsindəki çıxışı ilə hər kəsi heyran edən Elnur Hüseynov müsahibə verib. 

- Bu müsabiqəyə qatılmağım yaxın dostlarımın böyük dəstəyi nəticəsində oldu. Bir gün İstanbula getdim və dostlarım israrlı şəkildə mənim bu müsabiqəyə qatılmağımı istədi. Mən də düşündüm ki, artıq zamanıdır.

- Mən hissiyatımla seçim etdim. Ebru xanımın sənəti ortadadır. Münsiflər heyətində mənimlə eyni səhnəni bolüşən Hadisə də var idi. Onu seçməyi düşünmədim. Çünki, buna görə məni qınayardılar.

- Düzdür insanın özünə də xoş gəlmir eyni səhnəni bölüşdüyü birinin qarşısında ifa etsin və o da münsif kimi səni dəstəkləsin. Mən ora sadəcə performans üçün çıxdım. Qalib olsam da, olmasam da düşünürəm ki, yaxşı ifa etdim.

- Mən hər zaman Azərbaycan şou-biznesindən uzaq gəzmişəm. Çünki bizim şou-biznes saxta fiqurlar üzərində qurulub. Düşünürəm ki, müğənni konsertlər verməli, albom çıxarmalı və tədbirlər keçirməlidir. Azərbaycanda belə deyil. Müğənni bunların heç birinə üstünlük vermir. Sadəcə, pul qazanmaq üçün başqa üsullar seçir. Qalmaqal və toylara getmək! Bu, məni Azərbaycan şou-biznesindən soyudur. Türkiyədə isə tam fərqli bir şou-biznes gördüm, burda müğənnilər sadəcə şou-biznes üçün çalışmır, öz işlərini görür. Başqa sözlərlə desək, işləri ilə gündəmə gəlir. Mənim şou-biznesə daxil olmaq fikrim yoxdur, sadəcə öz işimi görmək və Azərbaycanı təmsil etməyi düşünürəm.

- Bir yerdə dayanmağı düşünmürəm. Əgər işimi layiqincə görə bilsəm, Azərbaycanı tək Türkiyədə yox, Avropada təmsil etməyi düşünürəm.

- Finala qədər uzun və çətin yol var. Düşünürəm ki, gəlib çata bilərəm. Amma qalib olmağım mümkünsüz görünür. Çünki, bu, səsvermə yolu ilə olacaq. İnanmıram türk tamaşaçısı məni birinci seçsin. Mahnı müsabiqəsinin adı "O səs Türkiyə”dir. Düşünürəm ki, hər il olduğu kimi qalib türkiyəli iştirakçı olacaq.

 

- Mən media və gündəmdən uzaq qalmağı seçdim. Çünki, bu cür yollarla məşhur olmaq istəmədim. Toylar üçün qalmaqalla məşhurlaşmaq mənə lazım deyil. Onsuz da bu işlə məşğul olan xeyli insan var.

- Xeyr, əksinə çox çalışqanam. Bu illər ərzində özümü başqa sahələrdə də sınadım.

-Çox yaxşı. Həm Türkiyə, həm Azərbaycanda sevilmək gözəl duyğudur. Azərbaycanda olduğu kimi, Türkiyə mediasından və verilişlərindən də uzaq qalmağa çalışıram. Mənim üçün işimi görmək daha önəmlidir. Bu, mənim prinsipimdir.

- Avropada konsert turu keçirmək istəyirəm. Yeni bir xəbər də deyim. Türkiyənin çəkdiyi "Medcezir” serialına təklif almışam və yaxın müddətdə çəkilişlərə başlayacağam. İlk xəbəri sizə dedim. Təəssüf ki, daha ətraflı məlumat verə bilməyəcəyəm. Yanvarda Bakıda Yaşıl Teatrda konsertim gozlənilir.

- Azərbaycan mənim Vətənimdir. Əlbəttə, inciməmişəm. Harda olsam, ürəyim Vətənimlə və soydaşlarımla döyünür. Məni dəstəkləyən hər kəsə təşəkkürümü bildirirəm.