Qadınlar.biz xəbər verir ki, "Region TV”-də yayımlanan "Şou Məkan” verilişinə müsahibə verən müğənni Əli Mirəliyev şou-biznes aləminə səs salacaq açıqlamaları ilə yadda qalıb.
Tanınmış müğənni "O səs Türkiyə” yarışmasında səsi ilə insanları valeh edən Elnur Hüseynovun səsinin olmadığını bildirib: "Qışqırmaq, bağırmaq oxumaq demək deyil. Onun səsi aldadıcı səsdir, səsi yoxdur ümumiyyətlə. Elnur oxuyan deyil. Vaxt gələcək sözümü təsdiqləyəcəksiniz. Türklərin özləri o gündədir ki, onu qəbul ediblər”.
Əli Mirəliyev Elnuru başqa müğənnilərlə müqayisə etməkdən də geri qalmayıb: "Elnur Üzeyir Mehdizadənin yanında heç nədir. Üzeyir konsert verəndə 1 dənə boş yer qalmır”.
Ə.Mirəliyev uzun müddət qalmaqal yaşadığı Səməd Səmədov ilə Sevda arasındakı gərginlik haqqında da danışıb: "Bu söhbəti efirə çıxarmaq lazım deyil. İkisi də qocalıblar. Heç olmasa, bir cavan lazımdır bunların içində. De ki, cavan qız gətirmək istəyirəm”.