Ötən gecə modasevərlər üçün "Hadije Marka”nın hazırladığı moda gecəsi keçirilib.
"Turkish Fashion Day” (Türk Moda Günü) çərçivəsində baş tutan gecədə dizaynerlər Özgür Mansur, Dilek Hanif, Zeynep Tosun, Raisa Vanessa, Tuvanna Büyükçinar, Zeynep Erdoğan, Gamze Saraçoğlu, Serli Keçeoğlu, Özlem Suer və Türkiyədə modanın yaradıcılarından hesab edilən Yıldırım Mayruk bir araya gəlib.
Aparıcılığını Nərgiz Cəlilovanın etdiyi dəfilədə modasevərlər üçün 75 geyim təqdim olunub. Türkiyənin tanınmış modelləri Burcu Kutluk, Sema Şimşək, eləcə də həmyerlimiz Günay Musayeva podiuma çıxıb.
Qeyd edək ki, Türkiyə Mədəniyyət və Turizm Nazirliyinin eləcə də Türkiyənin Azərbaycandakı Səfirliyinin dəstəklədiyi "Turkish Fashion Day”ə hər iki ölkədən olan siyasətçilər, sənət və iş adamları qatılıb.