Türkiyə mətbuatı bir neçə gün öncə toyu olan azərbaycanlı aparıcı Xoşqədəm Hidayətqızı və müğənni Doğuşla bağlı reportaj hazırlayıb.

"TV8”də yayımlanan "Bazar maqazin” verilişi cütlükdən müsahibə alıb. X.Hidayətqızı deyib ki, ən çox Doğuşun gözlərindən təsirlənib: "Mən sevməsəm, bu münasibət olmazdı. Sevdim və toy oldu. Sevgisiz ailə qurmaq olmaz. Məhəbbət olmayan yerdə evlilik də mümkün deyil. Ən çox onun gözlərindən təsirləndim”.

X.Hidayətqızının qayınanası Nurhəyat xanım isə arzusunu dilə gətirib: "İki aydır Bakıdayam. Buraya öyrəşmişəm. Onlara xoşbəxtlik arzulayıram. Əkiz nəvəmin olmasını istəyərdim”.

Doğuş həyat yoldaşının gəlinliyindən də danışıb: "Bundan əvvəl bir gəlinlik seçmişdik. Amma onu geyinmək istəmədiyini dedi. Bu modeli bəyəndi, mən də razılaşdım. Xanımlar belədir, nə edə bilərik?”.