2011-ci ildə başından aldığı güllə yarasından sonra sol tərəfi iflic olan türkiyəli müğənni İbrahim Tatlısəs Amerikaya yola düşüb.

Sənətçi başında qalan kəllə sümüyü sınığının əməliyyatla götürülməsi üçün Mayamiyə gedib. Tatlısəsi hava limanından keçmiş həyat yoldaşı Ayşəgül Yıldız, balaca qızı Əlif Ada, oğlu İdo, müğənni Demet Akalın-Okan Kurt cütlüyü, Petek Dinçöz, aktyor Aydemir Akbaş yola salıblar.

Sənətçi qızı Əlif Adanı qucağına alaraq jurnalistlərin onların şəkillərini çəkmələrinə icazə verib. İbrahimin "Bəlkə də sonuncu şəklimizdir” sözləri hər kəsi duyğulandırıb. İbrahim Tatlısəs yola düşməzdən əvvəl studiyada sonuncu dəfə "Vur getsin məni” mahnısını yenidən səsləndirib.