Star televiziyasında yayımlanan "Paramparça” serialından popularlaşan aktrisa Alina Boz roluna necə seçildiyi barədə danışıb: "Tətilə getmişdik. Agentlik serial üçün çağırdı. Tətili yarımçıq qoyub getmək istəmədim. Anamın təkidi ilə video göndərdim. Rejissorumuz və Nurgül (Yeşilçay –red.) çox bəyənib məni. Onların sayəsində seriala seçildim”.
İki körpənin doğum evində dəyişik düşməsindən bəhs edən serialda Boz kasıb ailədə böyüyən Hazal rolunu ifa edir. Gələcəkdə varlı olan həqiqi anasını, yoxsa kasıb olan, onu böyüdən qadınımı seçəcəyi isə öz doğma anasına da maraqlıdır. Anası rus, atası türk olan Alina hazırda 16 yaşındadır, Rusiyada doğulub. 9 yaşından teatr təhsili alan gənc qız müsahibəsində təhsilini davam etdirmək üçün Rusiyaya qayıdacağını da bildirib.