Müğənni Kristina Aqilera keçən ilin avqustunda anadan olan qızının fotosunu yayıb.

"People" jurnalı sənətçinin övladının fotosunu üz qabığında təqdim edib.

Müğənni qızını ilk dəfə görəndə susduğunu bildirib:

"Sanki nitqimi itirmişdim. O, mələklər kimidir".

Kristina eyni zamanda ana və sənətçi olmağın çətinliyindən də danışıb:

"Bu asan iş deyil. Mən həmişə həyatımı istədiyim cür davam etdirmək istəmişəm, ancaq uşaqlar hər zaman diqqətimdə olub. Onlar mənim üçün kainatın mərkəzidirlər".

Qeyd edək ki, Sammer Reyn adı verdiyi körpə Aqileranın ikinci övladıdir. Bu onun indiki həyat yoldaşı Mett Ratlerdən ilk uşağı olsa da, 7 il əvvəl Cordan Bratmandan Maks adlı oğlu dünyaya gəlib.