İfaçı bir vaxtlar bazarda satıcı işlədiyini söyləyib:
"Ləyaqətsizlik etməkdənsə, çalışaraq evinə çörək aparmaq şərəfdir. Ailəsini dolandırmaq üçün insan ofisiant da işləyər, yer də qazar. Ailəmi ayaqda tutmaq üçün hər vasitəyə əl atmışam. Heç vaxt şərəfsizlik etməmişəm. Qazanc dalıyca Rusiyaya getdim, gecələr yatmadım. Vaxt var idi, Moskvada səhər saat 6-da bazarda piştaxtanın arxasında olurdum. Qazanıb valideynlərimə, qardaşıma, bacıma baxırdım. Müğənni olandan sonra həyatım 360 dərəcə dəyişib. İndi mən səhər saat 5-6-da yatıram. Dönüb geri baxanda böyük qürur hissi keçirirəm ki, əziyyət çəkmişəm. Ona görə də gəlib müəyyən yerə çıxmışam. Bu gün Vasif Məhərrəmliyəm, sözünü deyən müğənnilərdənəm”.