İngiltərənin az qala milli yeməyi sayılan "fish and chips”ə yəni balıq və kartof qızartmasını İtaliya mənimsəyib.
 
Roma Bələdiyyəsi şəhərdəki dövlət məktəblərinin nahar menyusuna balıq və kartof qızartmasını da əlavə edərək bu yeməyin venesiyalılar tərəfindən İngiltərəyə aparıldığını iddia edib.
Bələdiyyə nümayəndəsi ingilis yazıçı Çarlz Dikkensin "Oliver Tvist” kitabında bu haqda yazdığını iddiasına dəlil olaraq göstərib. İtaliyanın bu iddialarına ingiltərəli kulinariya ustalarının cavabı gecikməyib. İngiltərə Milli Balıq Qızardanlar Federasiyası nümayəndəsi Endryu Kroku həmin yeməyin ilk dəfə 1860-cı ildə London və Mosslidə hazırlandığını bildirib.