Onları birləşdirən bir məqam da var: bu xanımların hər biri potensial gəlindir.

Sevda Yahyayeva: «Heç zaman ərə getməklə bağlı plan qurmamışam. Gəlinliyi qismət olan gün geyəcəyəm. Bunu tale və sevgi müəyyənləşdirəcək…»

Aysel Teymurzadə: «İndiyədək məni kimə ərə verməyiblər?! O qədər ad eşitmişəm ki, artıq bu haqda danışmaqdan yorulmuşam. Hələ ki, ərə getməyi düşünmürəm».

Safura Əlizadə: «İndi sevgiyə və ailə qurmağa vaxtım yoxdur. Bunun nə vaxt baş verəcəyini də deyə bilmərəm».

Natavan Həbibi: «Məndən xanım olar?! Mən qaqaşam! Qadın simasında kişiyəm! Kişilərlə dostluq edirəm. Amma ailə qurmağı arzulayıram və bu arzumun reallaşacağına ümid edirəm».

Səidə Sultan: «Bacılarım xoşbəxt olduğu üçün mən də xoşbəxtəm. Anam isə deyir ki, indi növbə mənimdir. Amma bu, çox məsuliyyətli addımdır və tələsik addım atmamaq üçün ehtiyat edirəm. Ailə quracağım oğlan məndən çox qazanmalıdır».

Kamilə Babayeva: «Qadın xoşbəxtliyi ailədə, sevimli ərdə, övladda və sevimli işdədir. Sevəcəyim şəxs məndən ağıllı, güclü və müdrik olmalıdır».

Aygün Rəhimova: «Mən çox inadkar, emosional və hətta çox emosional insanam. Amma ümumilikdə pis adam deyiləm. Mən də ağ gəlinlik, toy arzulayıram. Nə vaxt sevgisiz ailə quraramsa, guman ki, tezliklə boşanaram. Çünki belə yaşaya bilmərəm».

Nanə Ağamaliyeva: «Dostlarım mənə gözəl olduğumu dedikdə qıcıqlanıram. Mən sadəcə, şirin Azərbaycan qızıyam».

Aynişan Quliyeva: «Xoşuma gələn oğlanlar olub. Amma hələ sevməmişəm. Hələ ki, həmin adama rast gəlməmişəm».