Bu gün mərhum sənətkar, xalq artisti Yaşar Nurinin nəvəsi Gülnarın bir yaşı tamam olur. Bu barədə sənətkarın kiçik qızı, Gülnarın xalası Ülkər Nuriyeva məlumat verib:
"Bu gün mənim həyatımda ən xoş günlərdən biridir. Gülnarımın bir yaşı tamam olur. O, xalasının ürəyidir. Allah qorusun, atalı-analı böyütsün. Amin!"
Ü.Nuriyeva bildirib ki, bacısı qızının doğum gününü geniş çevrədə qeyd etməyi düşünmürlər:
"Özümüz, ailəmizə yaxın insanlarla birgə qeyd edəcəyik. Çox istərdik ki, belə bir əlamətdar günü atamız da görsün. Amma qismət deyilmiş..."
Qeyd edək ki, Gülnar Yaşar Nurinin böyük qızı Ülviyyənin övladıdır.