Məşhur pop-kral Michael Jacksonun uşaqları onun sağlığında medyadan tamamən gizli saxlanılırdı. Lakin 2009-cu ildə Jacksonun ölümündən sonra onun uşaqları bir-bir sosial medyada görünməyə başlayır.

Qeyd edək ki, Michael Jacksonun 18 yaşlı böyük oğlu Prince Jacksonun hələ atasının sağlığında görüntüləri yayılmışdı. Yaxın zamanlarda 17 yaşlı Paris Jacksonun İnstagramda yerləşdirdiyi futbolçu sevgilisi və rok stilli geyimi ilə şəklini sizinlə paylaşmışdıq.

İndi isə Jacksonun 13 yaşlı oğlu Blanketin şəkilləri sosial medyada tez-tez görünməyə başlayıb. Blanket idmanla məşğul olmağı və evində fərqli heyvanlar saxlamağı sevir.
Bir məsələni də sizə xatırladaq ki, Jackson məhz Blanketin körpə ikən eyvanda üzünü ağ dəsmalla örtərək medyaya şəkillərini çəkməyə icazə vermişdi.