İfaçı Mehin Hümbətova yeni bədii filmə çəkilir. Hətta filmə görə saç rəngində də dəyişiklik edən M.Hümbətova film barədə məlumat verib: "Bədii filmə çəkilirəm. Təəssüf ki, film barədə çox məlumat verə bilmərəm. Ancaq onu deyim ki, möhtəşəm bir film olacaq. Azərbaycanda hələ bu janrda film çəkilməyib. Filmdəki rolum şıltaq gənc qız obrazıdır. Hətta saçlarımı da qırmızı rəngə boyamışam. Sentyabr ayından bütün kinoteatrlarda filmə baxa biləcəksiniz".
Son zamanlar daha çox qeyri-adi geyim tərzi ilə həmkarlarından seçilməyi bacaran Mehin geyimlərindən də də danışıb: "Geyimlərdə heç kimin zövqünə güvənmirəm. Qarderobumda hər stildə geyim var. Əsas odur ki, yaraşan olsun. Mənim üçün stilin heç bir əhəmiyyəti yoxdur. Hər cür geyinə bilirəm.Yay olduğu üçün əsasən fərqli geyimlərə üstünlük verirəm".