Aktrisa Pərvin Abıyeva formada qalmağının sirlərini bölüşüb.

Açıqlama verən aktrisa hər gün idman etdiyini bildirib:

"Çalışıram idmana fasilə verməyim. Yeməyimə qadağa qoyan deyiləm. Həyatda mənim üçün ən önəmli qida isti yemək və çaydır. Kökəlməyə meyilliyəm. Ona görə də gündə bir dəfə xörək yeyirəm. Qalan vaxtları isə meyvə ilə qidalanıram. Heç vaxt kosmetoloq yanında olmamışam. Makiyajı çəkilişlərə görə edirəm. Gündəlik həyatda tonal krem çəkmirəm. Hər zaman cazibədar görünməyə çalışmıram. Hansısa bir dəvətə gedəndə bəzənirəm, geyinirəm ki, seçilim. Qadın hərəkətləri ilə cazibədar olmalıdır, libasla yox. Özümü daha çox şıltaq qız hesab edirəm”.

Şəxsi həyatından danışan P.Abıyeva bəyəndiyi oğlan tipindən də danışıb:

"Mənim sevgidən istəyim qəribədir. Hamı deyir niyə ərə getmirsən? Valideynlərim təzyiq göstərir. Yaşım az olsa da dünyagörüşüm genişdir. Evlənəcəyim insan məndən çoxbilmiş olmalıdır. Ona baxanda, söhbətinə qulaq asanda təəccüblənməliyəm. Əvvəl deyirdim ərə gedəcəyim adam məndən on yaş böyük olmalıdır. İndi isə əhəmiyyət vermirəm. Elə bir insanla ailə qurmaq istəyirəm ki, sənətimi də qəbul etsin. Düzdür, mən həyat yoldaşımı nəzərə alacam: tez-tez efirə çıxmayacam, müsahibələr verməyəcəm, hər dəvətə qatılmayacam. Həyatımda sevdiyim insan var, amma sonu necə olacaq bilmirəm”.