Onlar "70-ci illərin şousu” serialının çəkilişində tanış olublar.
Mila Kunis və Eşton Katçer münasibətlərini rəsmiləşdiriblər.
Hollivud cütlüyü 1998-ci ildə "70-ci illərin şousu” serialının çəkilişində tanış olublar.
Bu, aktrisanın birinci nikahıdır. Katçer isə 2005-ci ildə Demi Mur ilə ailə həyatı qurmuşdu, lakin 2011-ci ildə cütlük aktyorun xəyanətinə görə boşanmışdı. Elə həmin vaxtlar Katçerin Mila Kunisla münasibətdə olması barədə məlumatlar yayılmışdı.
Qeyd edək ki, 2014-cü ildə cütlüyün Uayatt Elizabet adlı qızı dünyaya gəlib. Bu ilin iyun ayında isə hollivud ailəsinin ikinci uşaqlarının olacağı məlum olub.