Las-Veqasda yerləşən Madam Tüsso Muzeyi reper Niki Minajın mum fiqurunu qorumaq üçün əlavə mühafizəçilər işə götürməyə məcbur olub.

Muzeyin rəhbərliyinin belə qərar verməsi muzeyə gələn seyrçilərin ədəbsiz davranışları ilə əlaqəlidir. Xatırladaq ki, mum fiqur Niki Minajın "Anakonda" klipindəki fitnəkar obrazıdır.
İnstagramda paylaşılan fotolardan görünür ki, muzeyin qonaqları üçün Niki Minajın mum fiquru seks obyekt rolunda çıxış edir: Fiqurun intim hissələrinə toxunurlar.
KİV nümayəndələri Niki Minajdan məsələyə münasibət bildirməyi xahiş etsələr də, ifaçı cavab verməkdən yayınıb. Qərb mətbuatı iddia edir ki, reper özü tədbir görülməsi ilə bağlı muzeyə şikayət edib.