Yeni mövsümün ən baxımlı maqazin verilişlərindən olan "ATV maqazin"in aparıcısı Nərgiz Vahabqızı kamera qarşısına keçib. İdeal görünüşü ilə diqqət çəkən aparıcı xanım ailə qurmaq istəyindən də söz açıb:

"Mənim özümə də inanın elə maraqlıdır ki, mən nə vaxt ailə quracam. Serialda belə ailə həyatı qurdum, ancaq həyatda bunu reallaşdıra bilmirəm. Qismət nə vaxtdır, yəqin o zaman olar. Amma vallah inansalar da, inanmasalar da tam səmimi deyirəm ki, sevdiyim yoxdur. Hər bir qız kimi mənim də arzumdur ki, gözəl ailəm olsun. Elə bir gözəl insanla ailə həyatı qurmaq istəyirəm ki, xarakterimiz tutsun, bir-birini gözəl başa düşək. Doğurdan, heç vaxt sevməmişəm, özümü o qədər sevirəm ki, başqasını sevməyə zamanım qalmır (gülür-red)".