Ad gününü qeyd etmək üçün bir gün işlərinə fasilə verən 34 yaşlı müğənni Beyons Pensilvaniyada keçirilən "Made in America" festivalındakı çıxışı ilə yenə də nəzərləri özünə cəlb edib.

Müğənni festivalda "Crazy in Love", "Bootylicious", "Drunk in Love" kimi dillər əzbəri olan mahnılarını ifa edib. Amma diqqətçəkən əlbəttə ki, onun səhnə şouları olub.

Konsertdə 8 dəfə geyim dəyişən Beyonsun səhnə kostyumları isə ayrı bir söhbətin mövzusudur. Bütün kostyumlar sanki Beyonsun cazibədarlığını vurğulamaq üçün dizayn edilib.

Beyonsun dinləyicilər üçün başqa bir sürprizi də olub. O, karyerasının başlanğıcında "Destiny's Child" qrupunda birgə çıxış etdiyi Kelli Roulandı da səhnəyə dəvət edib.