"Şoubiz” verilişi bu il övladı universitetə gedən tanınmışların siyahısını hazırlayıb.

Əməkdar artist Ədalət Şükürovun övladı Emil, Natiq Şirinovun oğlu Ümid, modelyer Gülnarə Xəlilovanın qızı Züleyxa birinci kursa gedir.

Ə.Şükürov "Bu il mənim ikinci övladım ali məktəbə qəbul oldu. Neft Akademiyasına girdi. Ona görə çox həyəcan keçirirdim” deyə, bildirib.

N.Şirinov isə oğlunun onun sənətini davam etdirəcəyini bildirib:
"İncəsnət Universitetinin "Nağara” fakültəsinə qəbul olub. Ümid eyni zamanda Türkiyənin Ankara şəhərində də universiteti qazanıb”.

Gülnarə Xəlilova isə "Oğlum dördüncü kursa keçib. Qızım isə İncəsənət Universitetinin "Rəngkarlıq” fakültəsinə daxil oldu. Burada təhsil almaq öz arzusu idi” deyə, söyləyib.