Heyvan haqlarını müdafiə edən PETA təşkilatının üzvü çılpaq aksiya keçirib. Ət yeməyə qarşı təşkil olunan aksiya çox soyuq və şaxtalı bir havada gerçəkləşdirilib. Heyvanlara "etik” davranılması üçün tələblər irəli sürən PETA təşkilatının üzvlərindən olan model Sophie Barrett Londonda Piccadilly Meydanınında soyunub. Bədənini qəssab dükanlarında yazılan afişalar kimi "qabırğa, bud, qol " ifadələri yazan Barrett insanların da əslində bir heyvan olduğunu ifadə etməyə çalışıb. O, "Bütün heyvanlarda eyni orqanlar var" plakatını da qaldırıb.