Model Miranda Kerr və milyarder Evan Şpigel münasibətlərini möhkəmləndirirlər.

Vaxtlarının çox hissəsini birgə keçirən cütlük dünən də bir yerdə görünüblər. Romantik şam yeməyinə çıxan sevgililər paparassilərdən gizlənməyə çalışıblar. Lakin fotolarının çəkildiyini görüncə keflərini pozmayıblar. Hər iki məşhur obyektivlərə gülümsəyərək yollarına davam ediblər.

Qeyd edək ki, çoxları bu münasibətin uzunmüddətli olacağına inanmır. Hətta Şpigelin keçmiş sevgilisi müğənni Teylor Svift Miranda ilə əlaqə saxlayaraq Evanın "don juan" olduğunu və tezliklə onu da ata biləcəyini xəbər verib.

Xatırladaq ki, 32 yaşlı podium ulduzu ilə 25 yaşlı "Snapchat"ın yaradıcısı iyuldan etibarən sevgilidirlər.