O, rolun ifasında heç bir çətinlik çəkmir.

Azərbaycanın ən məşhur və gözəl modellərindən olan Nuridə Əliyeva türk rejissoru Battal Qazi Karabulağın "Bir Avuc Sonsuzluk” filmində çəkilir.  

N.Əliyeva bu barədə bildirib ki, o, bu filmdə rolların ifasında heç bir çətinlik ilə qarşılaşmadığı üçün filmdə çəkilmək qərarına gəlib.   
 
"Mənə filmdə çəkilməyi təklif etdilər, rol kiçik olduğu üçün sınamaq qərarına gəldim. Mən ciddi filmlərdə çəkilməmişəm, ona görə də bu, mənim üçün maraqlıdır. Film Azərbaycanda çəkilir, amma Türkiyədə yayımlanacaq”, - N.Əliyeva bəyan edib.

Qeyd edək ki, Nuridə Əliyeva "Mila” şikətinin süd məhsullarının qalmaqallı reklamı zamanı məşhurlaşıb. Gözəl model həmçinin öz çılpaq fotosessiyaları ilə populyarlıq qazanıb. Buna baxmayaraq bəzi yerli modellərin zaman-zaman meydana çıxardıqları fotosessiyalardan fərqli olaraq onun fotosessiyaları vulqar görünmür. Nuridə Əliyevanın "nyu” fotoları göz oxşayır.