Şirəliyeva artıq hazırlıqlara başlayıb.

Qızlar arasında keçirilən dünyanın tanınmış gözəllik müsabiqələrindən olan "Charity Queen of One Power International” yarışmasınının Azərbaycan təmsilçisi məlum olub.

Bu haqda məlumatı World Beauty Congress-in Qafqaz ölkələri üzrə koordinatoru Aqil Məmiyev verib.

Təşkilatçı açıqlamasında bildirib ki, kastinqin nəticələrinə görə sözügedən müsabiqədə ölkəmizi təmsil etmək üçün Günel Şirəliyeva seçilib.

Təmsilçimiz yarışmada iştirak etmək üçün noyabrın 16-da Tayvanın paytaxtı Taybey şəhərinə yola düşəcək. Şirəliyeva artıq hazırlıqlara  başlayıb. Onun üzərində təcrübəli stilist Mirvari Əliyeva çalışır.

Qeyd edək ki, yarışmanın beynəlxalq direktoru World Beauty Congress-in prezidenti Zamir Hüseynov, Azərbaycan üzrə təşkilatçısı isə Aqil Məmiyevdir.

19 yaşlı model müsabiqə üçün tanınmış fotoqraf  Vüsal Verdiyevin obyektivi qarşısına keçərək yeni fotosessiya etdirib.