Aktrisa Yağmur Tanrısevsin "BeStyle" jurnalı üçün fotokamera qarşısına keçib.

 "Mayın Kraliçası" adlı serialla ekranlara dönən aktrisa aktyor Haluk Bilginerə heyran olduğunu deyib:

"Çox bəyəndiyim və dəyər verdiyim ustaddır. Türk və dünya səhnəsindəki uğurlarını təqib etdiyim möhtəşəm aktyor".

O, sevginin onun üçün üç şeyi ifadə etdiyini deyib:

"Xoşbəxtlik, həyəcan, ilham... Bir şeyi yaratmaq istəyəndə əvvəl ilham gəlməlidir, sonra onun həyəcanı daxilinə sirayət etməlidir. Ortaya çıxan nəticə də isə sizi xoşbəxt etməlidir. Sevgi hissi də mənim üçün belə bir şeydir".

Qeyd edək ki, Y.Tanrısevsin "Güneşi beklerken", "Adını Feriha koydum" serialları ilə tanınıb.