Bu il İtaliyada 10-cu dəfə təşkil edilən Roma Film Festivalı davam edir.
Festival çərçivəsində nümayiş etdirilən "Carol” filminin təqdimatı zamanı qırmızı xalıda gözlənilməz anlar yaşanıb.
Belə ki, tunisli aktrisa və model Zaina Driti geyindiyi uzun yarıqlı libası üzündən çətin vəziyyətə düşüb. Fotoqraflara poz verən aktrisa qəflətən qalxan külək səbəbindən pərt olub. Göy libasının hər iki yarığı açılan Zaina onları düzəltməkdə çətinlik çəkib. Cəhdinin uğursuz olduğunu görən Z.Driti gülümsəyərək şəkil çəkdirməyə davam edib.
Qeyd edək ki, Todd Haynesin rejissorluğu ilə çəkilən "Carol” filminin ssenaristi Fillis Naqi, baş rol ifaçıları isə Runi Mara, Sarah Paulson və Keyt Blanşettdir.