Nyu-Yorkda ənənəvi olaraq "İlin qadını” mükafatlandırma mərasimi təşkil edilib.
Dünya ulduzlarının qatıldığı gecəyə britaniyalı dizayner Viktoriya Bekhem böyük oğlu Bruklinlə yollanıb. Gecənin diqqətçəkən məqamı isə oğlundan mükafat alan 41 yaşlı Viktoriyanın olduqca xoşbəxt görünməsi olub. Dizaynerin üzündə hətta nadir rast gəlinən təbəssüm belə olub.
Əsasən tünd rəngli geyimlərə üstünlük verən V.Bekhem bir başqa dəyişikliyi isə libas seçimində edib. O, gecəyə sinə və kürək dekolteli qırmızı libasda yollanıb.
Qeyd edək ki, keçmiş futbolçu Devid Bekhemlə ailəli olan Viktoriya Bekhem 4 uşaq anasıdır.