"Destiny's Child" qrupunun sabiq solisti Kelli Rouland, deyəsən, rəqiblərini, o cümlədən sabiq tərəf-müqabili Beyonsu geridə qoymaq niyyətindədir.
"X Factor" musiqi şousunun münsiflər heyətinin üzvü amerikalı reper Biq Sinlə birlikdə ifa etdiyi "Day İt On Me" mahnısına klip çəkdirib.
Klipdəki rəqslərin xoreoqrafı Beyonsla çalışmış Frenk Qatsondur.
"Bu klipdən çox razı qaldım. Mahnıdakı hisslərim və sözlərimin rəqslər vasitəsilə inikası, xoreoqrafik obrazlar məntiqi idi. 8 kişi ilə birlikdə rəqs etmək də maraqlı idi. Mənim kimi ehtiraslı qadın onları ram etdi", - Kelli deyib.