İspaniyanın ən seksual qadını hesab edilən aktrisa Penelopa Krus rolu üçün radikal addım atıb.
"Ma Ma” dramına çəkilən aktrisa xarici görünüşünü dəyişib. Belə ki, başını keçəl edən Penelopa kamera qarşısına çılpaq halda keçməkdən də çəkinməyib. P.Krus adıçəkilən filmdə xərçəng xəstəliyi ilə mübarizə aparan qadını canlandırır.
Penelopa bu rolun onun üçün çox vacib olduğunu və atdığı addımdan peşmançılıq çəkmədiyini deyib:
"Bu, mənə oynamaq üçün təklif edilən ən maraqlı və qeyri-adi personajlardan biridir. Mən öz qəhrəmanıma aşiq oldum. Fikirləşmədim ki, necə görünəcəyəm. Bəzi səhnələrdə dəhşətli dərəcədə kifirəm. Ancaq öz xarici gözəlliyim haqda fikirləşsəydim, bu rolu oynaya bilməyəcəkdim. Bu filmi qorxulu xəstəliklə mübarizə aparan bütün qadınlara həsr edirəm”.