Azərbaycanlı fotoqraf Artur Abdullayevqadın bədəninin bütün gözəlliyini təsvir etmək üçün maraqlı şəkillər çəkib.
Gənc fotoqraf Artur Abdullayev "Art People" rubrikası çərçivəsində özistedadını işə salaraq qadınların bədən quruluşunu fərqli üslubda gözlər önünə sərir.
Fotoqraf baku.ws-in əməkdaşı ilə söhbətində bildirir ki, öz yaradıcılığında xarici fotoqrafların işlərindən bəhrələnib: "Xarici fotoqraflar qlamur çəkilişlərə üstünlük verirlər. "Nyu" şəkil sadəliyi tələb edir, pafosu sevmir. Gözəllik sadəlikdən ibarətdir. Əgər bu şəkilləri düzgün təqdim etməyi bacarsan, onda çox gözəl kompozisiya alınır".

Fotoqraf deyir ki, Azərbaycan tamaşaçısı daha çox qlamura üstünlük verir: "60-cı illərdəki stillərdə çəkilmiş ağ-qara şəkillər insanlarda daha az maraq oyadır. Azərbaycanda insanlar daha çox rəngli şəkillərə üstünlük verirlər. Mən deyə bilərəm ki, bu janrda Azərbaycanda tək-tük fotoqraflardan biriyəm. İndi həqiqətən çox az insan bu janrda fəaliyyət göstərir. Çünki insanlar gəlirsiz hesab edərək bu janrda şəkil çəkməyə qorxurlar".