ATV-nin aparıcısı Kəmalə Piriyeva sosial şəbəkədəki şərhlərdən danışıb. 

Aparıcı onun üçün ancaq xoş sözlər yazıldığını deyib:

"Digər məşhurlardan fərqli olaraq mənə ancaq təriflər yazırlar. Çox az insan olar ki, tənqid yazar. Girib baxanda görürəm sıfır izləyicisi var. Başa düşülür ki, qəsdən öyrədilmiş insandır. Belələrini "qara siyahı”ya atıram”.

Son vaxtlar gülməli videoları ilə məşhurlaşan Kəmalə "Bizdə tanınan video-bloqqerlər çoxdur. Mənim onlardan olmaq fikrim yoxdur. Sadəcə, izləyicilərimin kefini açmaq və pozitiv olmaq üçün hərdən belə videolar hazırlayıram” deyə, bildirib.

Yeniliklərindən danışan aparıcı iki seriala dəvət aldığını bildirib:

"Onlardan biri "Palata 106”dır. Digəri isə tamaşaçılara sürpriz olacaq”.