Moda dünyasında artıq ancaq standart bədən ölçülü və gənc modellər deyil, həm də kök və yaşlı olanlar da kamera qarşısına çıxır.
İngilis Nikola Qirffin "Sports Illustrated" jurnalı üçün poz verən ən yaşlı model kimi tarixə düşüb. 56 yaşlı Nikola boz saçlarına görə jurnalın diqqətini cəlb edib. "Hər kəs üçün bikini" kampaniyası üçün foto çəkdirən model bu haqda belə deyib:
"Ümid edirəm qadınlar bu kampaniya sayəsində hansı yaşda və bədən ölçüsündə olurlarsa, olsunlar, gözəl görünə biləcəklərini bir daha anlayacaqlar".
Jurnal isə "Modellik sadəcə 20 yaşında və uzun boylu olmaqla deyil... O görüntülərdən bezdik..." deyib.
Kampaniyaya qoşulan iri bədən ölçülü kanadali model Filomena Kuao da poz verərək "bədəninizin sevdiyi bir parçası varsa, hər gün onun ləzzətini yaşayın" deyib
Fotosessiyada iştirak edən digər məşhur kök model isə Eşli Qrehem olub.