Aktrisa Cenniver Lourens 2012-ci ildən bəri siması olduğu "Dior" markasının iki yeni məhsulu üçün kamera qarşısına keçib.
"Oskar"a namizəd olan Cennifer mükafatı Bries Larsona uduzsa da, mükafatlandırma gecəsində kameralar qarşısında çox vaxt keçirib. O, həmin gecə mərasimdə və partidə geyindiyi libaslarla dəb tənqidçiləri tərəfindən bəyənilib.
"Oskar"dan sonra isə aktrisanın "Dior"la olan fotosessiyası yayılıb. Markanın yeni dodaq boyası və çantası üçün poz verən 25 yaşlı Cennifer cazibədarlığı ilə və bir qədər fərqli, seksual iş qadını obrazı ilə seçilir. Bu günə qədər Natali Portman, Şarliz Terin, Marion Kotilyard, Robert Pattinson kimi ulduzlar bu markanın siması olublar.