Aparıcı Kəmalə Piriyeva özünün də rol aldığı "Şər qarışanda” filminin qala gecəsində fotokameramıza tuş gəlib.
Açıqlama verən aparıcı qısa ətəyi ilə diqqət çəkib. K.Piriyeva geyim tərzindən danışıb:
"Harasa gedəndə üç-dörd geyim seçib ayırıram. Yaxınlarımın məsləhəti ilə onlar arasından birini seçib geyinirəm. Geyimlərimdə özümə sərhəd qoyuram. Çox da açıq-saçıq geyinmirəm, olmaz".
K.Piriyeva obrazlarından bəhs edib:
"Bütün çəkildiyim rollarım ürəyimcədir. Amma hələ ki, öyrənirəm. "Bozbash pictures”lə çalışmaq çox xoşdur. Bir yandan da verilişin çəkilişləri gedir. Düzdür, çox işləyirəm, yorğunluqdan ölürəm. Amma yenə də zövq almağa çalışıram”.