Novruz bayramı telekanallarda da təmtəraqlı şəkildə qeyd olunur. 

Aparıcılar bu ərəfədə daha çox milli libas geyinməyə üstünlük verirlər. Onların əksəriyyəti isə modelyer Gülnarə Xəlilovanın Azərbaycan Milli Geyim Mərkəzinin geyimlərindən istifadə edirlər. 

Onlar arasında Murad Arif, Günel Gözəlova, Ruslan Həsənov, Vüsalə Səid, Mehman Mehdiyev, Leyla Mustafayeva, Fəxriyyə İsayeva, Nuranə Axundova, Zamirə Dadaşova və digərləri var. 

G.Xəlilova bildirib ki, Novruz və milli geyim qədim tariximizi, etnoqrafiyamızı, mədəniyyətimizi, xalq yaradıcılığımızı, Azərbaycan xalqının bütün ən gözəl cəhətlərini əks etdirir: 

"Bu günlərdə insanlar milli geyimlərdə necə də gözəl görünürlər. Mənim çoxdankı arzum Milli Geyim Gününün təsis edilməsidir ki, təkcə Novruzda deyil, həm də digər bayram günlərində biz özümüzü və ətrafımızı rəngarəng kostyum və geyimlərlə sevindirək”.