Bu gün müğənni Rəqsanə İsmayılovanın qızı Aysunun türk vətəndaşı Ali Tanrıkulu ilə nişanlanması xəbəri yayılıb. Qızı haqda çıxan bu xəbərə Rəqsanə, PrimeTime.Az vasitəsi ilə münasibət bildirib: "Aysun artıq 19 yaşına çatmış gənc xanımdır. Onun azad seçim etmək haqqı var. Düzdür, nişan hələ baş tutmayıb. Ancaq ailələr artıq tanış olublar. Ali və onun ailəsi çox mərifətli və ürəyə yatan insanlardır". Rəqsanə, Türkiyəyə qızının nişan mərasiminə yollanmasına da münasibət bildirib: "Bizim adət-ənənəyə görə, nişan baş tutanda qız evinə gəlirlər, oğlan evinə yox. Bu xoş mərasim Azərbaycanda baş tutacaq. Amma rəsmi bir addım hələ ki, yoxdur. Allah nəsib etsin, zamanı gəlincə açıqlamanı da verəcəyik. Tanrı bütün balaları xoşbəxt etsin".