Tanınmış estrada ulduzu örnək oldu. Son günlər cəbhədə baş verən hadisələrə, tanınmış estrada ulduzu Sevda Yahyayeva da biganə qalmayıb. Əyninə əsgər geyimi, üzünə palçıq yaxan müğənni, kameralar qarşısında cəsur azərbaycanlı qızı obrazını yaratmağa müvəffəq olub.
Açıqlama verən Sevda, layihə barəsində oxucularımızı belə məlumatlandırdı: "İlk dəfədir ki, vətənpərvərlik mövzusunda yaradıcı işimi gerçəkləşdirdim. Peşəkar fotoqraf Niko Abbasov tam istədiyim obrazı yaratmağın öhdəsindən məharətlə gəldi. Saç və makiyajım üzərində zövqlü ustalar Qusik Simonla, İlhamə xanım çalışdılar. Maksimum çalışdıq ki, fotolarda vətənpərvərliyimizi nümayiş etdirək".