Müğənni Aysel Əlizadə tədbirlərin birində fotokameramız qarşısına keçərək şəkillər çəkdirib.
Aıqlama verən ifaçı yaradıcılıq yeniliklərindən danışıb:
"Yeni fotosessiyaya hazırlaşırıq. Buna görə də imicimdə dəyişiklik olacaq. Bir də albomuma təqdimat edəcəm. Albom uzun müddətdir hazırdır, amma cəbhədə baş verənlərlə bağlı təqdim edə bilmirəm”.
A.Əlizadə cəbhə bölgəsinə getməsini qınayanlara cavab verib:
"Allah mənim niyyətimi bilir. Qəlbimdə cəbhəyə gedib, özümü reklam etmək niyyətim olmadı. Mənim buna ehtiyacım yoxdur. Xalqın acısını deşməyə gedirəm? İnstaqramda cəbhəyə gedən müğənniləri qınayanlar nahaq belə edir. Hədlərini aşmasınlar, danışıqlarına fikir versinlər. Sözlərinin arxasında dura bilməyənlər və yazdıqları sözlərə görə cavab verənləri görmüşük. Belələri məni sosial şəbəkədə izləməsinlər. Kaş elə o "mən-mən" deyənlər İnstaqramda məni tənqid etməkdənsə, gedərdilər əsgərlərə dəstək olardılar. Mən cəbhəyə anamdan icazəsiz getmişdim. İnstaqramda fotolarımı görüb, zəng etmişdi ki, "Sən mənim şəkərimi qaldıracaqsan". Mən bunu sidq ürəklə etmişdim".