"Bir çox fotoqraflar düşünürlər ki, bahalı fotoaparat almaqla, onlar ən yaxşı şəkilləri çəkə biləcəklər. Əgər sizin beyniniz və ürəyinizdə heç nə yoxdursa, yaxşı kamera sizin yerinizə işləməyəcək”.

Bu sözləri açıqlamasında fotoqraf Bəhruz Əlizadə deyib. Bir çox gözəl fotosessiyaların müəllifi olan Bəhruz hər zaman ideal iş ərsəyə gətirməyin tərəfdarıdır. 

"Ya ən yaxşısı, ya da heç nə” devizi ilə çalışan fotoqraf hər zaman tanınmış simalarla işləməyin tərəfdarı deyil. Modellər, aparıcılar, müğənnilərlə yanaşı Bəhruz tez-tez kastinqlər keçirir, gözəlliyinə güvənən xanımlarla fotosessiyalar edir:

"Düzdür, peşəkar modellərlə işləmək daha rahatdır. Amma hərdən fərqlilik istəyirsən. Ona görə də kastinqlər keçirir, xanımlar seçir, onlarla çalışıram”.

B.Əlizadə həm də bəy-gəlin -  "love story”ləri ilə də seçilir.