ATV-də yayımlanan "10-dan sonra" verilişində müğənni Günay İbrahimlinin
plastik əməliyyat nəticəsində özünü teleaparıcı Nanə Ağamalıyevaya
oxşatması müzakirə olunub.
Verilişin aparıcısı Yusif Ağayev
teleaparıcı Nanə Ağamalıyevaya üzünü tutaraq -"deyirlər ki, Günay
İbrahimli özünü sənə bənzədir..."
N.Ağamalıyeva bunu normal qarşıladığını dilə gətirib:
"Ola bilər. Normal qəbul edirəm. Mən heç vaxt xarici görünüşümlə yadda
qalmaq istəməmişəm. Həmişə verilişlərimlə istəmişəm yadda qalım. Amma
"Nanəli" verilişimə bənzər verilişlər etmək istəyənləri görürəm. İki
cümləni bir-birinə calayıb danışa bilməyən həmkarlarım da var. Sadəcə
olaraq, o cür insanlar boşluq olan dönəmlərdən istifadə etməyi yaxşı
bacarır. Türkiyədə olanda seyr edirdim və deyirdim ki, "Aman allah,
mənim bu qədər uğurum var idi, amma öyünərək bunları danışmırdım. Kaş
ki, etsəydim deyirdim. Çünki, "kiçik uğurlarına sığınıb" özünü piar edən
aparıcılar da gördüm. Çox şükür ki, mən belə deyiləm".