İyunda keçiriləcək futbol üzrə Avropa Çempionatının (AVRO-2016) ölkələr üzrə reklam çəkilişləri başlayıb.
Türkiyə üçün çəkilən klipdə yer alan Esra və Ceyda
bacıları sərt tənqid olunub. Onlar çəkilişdən paylaşdığı fotoları ilə
izləyicilərini əsəbiləşdiriblər. Bikini geyinərək əllərində Türkiyə
bayrağını tutan bacıların bu hərəkəti şəhidlərə hörmətsizlik
adlandırılıb.
Esra-Ceydanın "AVRO 2016 üçün sürpriz bir
çəkilişdəyik. Türkiyəni təmsil edirik" qeydi ilə təqdim
etdikləri fotolara gələn şərhlərdə yazılıb:
"Əlinizdəki bayraqlar üçün şəhid vermişik, ayıb olsun sizə".
"Dərhal bayrağımızı əlinizdən buraxın, utanın".
"O bayraq müqəddəsdir, ədəb lazım idi".
"Atatürkün "ümidim gənclərədir" sözləri ağlıma gəldi. 15 yaşında Vətən üçün ölümə gedənlər hara, indiki gənclər hara".
"Siz kimsiniz ki, Türkiyəni təmsil edirsiniz?"