Şərq rəqsinin sultanı Renkanın hicablı şəkilləri yayılıb.
Rəqqasə yeni fotosessiyasının səbəbini açıqlayıb: "Hicab bağlamaq böyük məsuliyyətdir. Hələ ki, buna hazır deyiləm. Gələcəkdə Allah qismət edərsə, niyə də yox... Hicab qadının yaraşığıdır. Yaxın dostum, stilist və vizajist Fərid Bağırovun xahişi ilə belə çəkilişə razılaşdım. Burada mən model kimi çıxış etmişəm. Məqsədim hicabı yox, şərq makiyaj tərzini nümayiş etdirməkdir. Şərq makiyajına olan sevgimə görə də razılıq verdim". Qeyd edək ki, cazibədar görünüşü ilə göz qamaşdıran şərq rəqsinin sultanı Renkanın bu şəkillərini fotoqraf Rasif Babayev lentə alıb.