Türkiyədə 17 yaşlı qıza narkotik maddə verib, sonra isə ona təcavüz edən 4 nəfər həbs olunub.

Milli.Az Türkiyə mətbuatına istinadən xəbər verir ki, hadisə 4 gün əvvəl Samsunda baş verib. İddialara görə, K.Ö. adlı qız sevgilisi ilə görüşərək boş binaya gedib. İnşaata oğlanın dostları da gəliblər. Onlar qıza narkotik maddə verdikdən sonra onu zorlayıblar.

Qızından xəbər almayan valideyn polisə müraciət edib. Polis axtarışlara başlayıb. Axtarışlar nəticəsində K.Ö. məscid həyətində yerdə yatarkən tapılıb. Məlum olub ki, onun sevgilisi və dostları K.Ö.-nü zorladıqdan sonra məscidin həyətinə atıblar.